فجأة وقف تاكسى قدامى زى ما يكون بوكس بوليس هـ يقبض على متهم هربان
خرجت منه ست كبيرة فى السن شوية، تزعقلى
"إيه الخرا اللى انت عملاه فى نفسك ده"
أنا كنت لابسة جينز أزرق واسع وتى شيرت أسود نص كم، وسايبة شعرى هايش (شعرى نوعه أفريقى).
قلت لها "إيه فى إيه؟"

أنتِ واحدة صايعة
بـ تسافري مع ولاد
وبـ تشربي سجاير
وصورك الـلـي بـ ترسميها،
بجد فضحتينا
ما ترجعيش البيت.

الوصمة اللي حوالين زيادة الوزن صعبة ومؤلمة جدًا
كتير أوي كنت بروح للدكتور لأي سبب كان،
ولازم يجيب سيرة إن وزني زايد
"ضهرك واجعك؟ يمكن محتاجة تقللي من وزنك".
"عندك كحة؟ فكرتي تنزلي وزنك شوية؟".

أنا متجوزة من 10 سنين
وبـ عاني من قبل جوازي من مرض في الرحم
منعني من الإنجاب، وخلَّاني أعمل أكتر من جراحة على أمل إني أبقى أم … غير إنه كمان المرض بـ يسبب مشاكل صحية تانية
بسبب كده، بـ حس إني ست درجة تانية

بنت عمي كل شوية بـ تقوِّم العيلة عليا
"إزاي بنت وتسافر لوحدها؟
بـ تعمل إيه في القاهرة؟
ما ينفعش تسافر لوحدها، وما ينفعش تشتغل في القاهرة".

كنت قاعدة على البحر أنا وهم بـ نسمع أغاني،
جم 3 ولاد قعدوا قدامنا.
فـ قومنا، ومشينا على اللسان،
وهم فضلوا ماشين ورانا.
كل شوية أتدور أزعق، وهم برضه مكملين مشي ورانا.

نِفسي أحس إني واقفة على أرض ثابتة
مش على ورقة كارتون طايرة في الهوا

دخلت بنت فكرتني بنفسي زمان
قبل ما يلبسوني الحجاب بالعافية
العربية الـلـي كانت عيون راكبها ساكنة، ميتة
بقت نار، وغيرة، وماليينها بكلام كتير أنا عارفاه
كلام سمعته كتير من الناس الـلـي لبسوني الحجاب بالعافية

الطلاق، الزواج، الضغوط الاجتماعية، الوصمة الاجتماعية، التحرش، الوالدين، الحجاب

أنا بـ حِس بالإحباط كتير أوي
لأني في مجتمع مش عاوز يحترمني إلا أما يـشوف معايا راجل
أي راجل، حتى لو ماشية معاه، ومش على علاقة شرعية بيه
المهم إنه يبقى قوي، عشان يقف للأوغاش في الشارع، أو حتى في المناسبات الاجتماعية.

أنا بـ حس إن عيالي بـ يقلقوا مني عشان كنت محبوسة
بـ حس إنهم مش بـ يعاملوني كـأمهم لأ كـواحدة عادية بالنسبة لهم
وأخواتي بـ يقولولي: "آه ما انت دخلتي السجن"
"انت أسلوبك بقي أسلوب السجن"
مع إني ولا بـ شتم ولا بـ عمل حاجة من الحاجات دي خالص
وبـ حس ناس كتير خايفين مني