ألو، أيوه يا سارة
أنتِ فين يا بنتي؟
كل ده في الشغل؟
الناس يقولوا إيه يا بنتي؟
فيه بنت مصونة تـ فضل برا البيت لحد دلوقتي؟

الظابط وهو بـ يحقق معايا بقي يشتم شتيمة وسخة
المهم وهو بـ يشتم الدورة نزلت
بـص كده وقال لي "إيه ده؟؟"
قلت له "نزيف …"

ركبت المترو في عربية السيدات، ولاقيت كالعادة رجالة
أنا عادة بـ تخانق، بس يومها ما كـنـتـش قادرة، فـسِكِت
بعد شوية، بنت طلبت مني المساعدة عشان نـنزلهم
فروحت وقفت معاها وهي بـ تزعق لهم عشان ينزلوا
وبعدين فجأة، لاقيت نفسي بـ تضرب شلوطين في الهوا

دخلت المستشفى، العنبر المجاني وسخ جدًا
وبعدين فاتحين عنبر واحد، حاطين الرجال مع الستات فيه
إذا كنت طول عمري عايشة في مستوى معين
لما يـ جيلي الإيدز اترمي في المستشفى دي؟
ليه مش كل المستشفيات مفتوحة؟
ليه الدكاترة ما أقدرش أقول لهم عندي الإيدز ويـ عالجوني؟

الطلاق، الزواج، الحمل، الجنس، فيروس نقص المناعة البشرية، الوصمة الاجتماعية

أنا شعري كيرلي، وبحبه جدًا
تعبت من كلام الناس الغبي،
ونزولي الشارع من أوحش الحاجات الـلـي بـ تحصل لي
مغص فظيع كل ما آجي أنزل، مش عارفه ده social anxiety ولا إيه
أنا عندي ثقة في نفسي، وبحب شعري،
وكان نفسي الناس تتقبل الاختلاف

الشارع، الشعر

اتحجبت، رغم إني مش مقتنعة
قلت لنفسي لو فرض يبقى أنا كده رضيت ربنا
ولو عادة بيئية واجتماعية، يبقى أنا كده رضيت المجتمع
وبقيت محترمة وحشمة زي ما هـم عايزين.

الوصمة الاجتماعية، الجسم، معايير الجمال، الحجاب، الضغوط الاجتماعية

أنا أستخدم العَجَلَة كوسيلة مواصلات حباً في الرياضة وتوفيراً للوقت
ولأني أرتدي حقيبة ظهر وملابس واسعة فلا يعتقد من يراني من الخلف أنني فتاة فلا يكترث أحد،
لكن بمجرّد رؤية وجهي تنهال المعاكسات والتحرشات اللفظية

اخواتي في البيت مـحـسـسـيـنِّي إني اتطلقت عـشـان يـلاقوا خدامة فـ بـيـفـتروا
حتى أخويا قال لهم: "هو عشان الزمن جار عليها ورجعت هنا تاني تشيل كل ده لوحدها؟"
أنا لو في بيتى مش هـ عمل العمايل دى كلها
أنا لو في بيتي هـ خدم راجل وطفلة، مش عيلة بحالها.

هو أنا فيا حاجة غلط؟
ساعات بـ حس إن أنا كائن نجس
اشتري حاجة، فـ يقوم البياع سايب لي الفلوس بعيد
عشان ما يلمسش إيدي.

من طفولتي والناس بـ تبصلي على إني فيا حاجة غريبة وحاجة مثيرة
ومن طفولتي بـ حس إني مش ولد زي باقي الولاد